Xa están na biblioteca do cole os libros sobre educación afectivo-sexual e comunicación non violenta. Ademais da incorporación deste material, no marco do proxecto de igualdade deste curso, promovido pola ANPA, leváronse a cabo as actividades de educación afectivo-sexual para o alumnado, a charla para familias “Falas de sexualidade coas túas fillas e fillos?”e a charla de introdución á Comunicación Non Violenta, para familias e profesorado. Próximamente avisaremos para inscribirse no Curso de Introdución á CNV.
Neste mes de Febreiro, na asamblea ven de renovarse á dirección da ANPA.
Como novo equipo directivo queremos que a nosa primeira acción, sexa a de transmitir o máis sincero agradecemento ao anterior equipo, que durante 8 anos estiveron levando esta Asociación. Somos conscientes do seus esforzos, sacrificios e logros, sen elas hoxe a Asociación non estaría onde está. Gustaríanos resaltar as súas xestións e o seu traballo nos estupendos materiais para o patio, a organización das actividades extraescolares, as festas e reunións durante o ano; e incluso conseguiron este curso unha dotación para levar a cabo un invernadoiro para o colexio. Grazas!
Dito isto, tomamos o relevo nesta nova etapa, e queremos transmitirvos que continuamos coas portas abertas a todas as aportacións, dúbidas, suxestións e críticas construtivas que aporten as familias. Como Asociación de Familias trataremos de axudar á construír un entorno educativo o máis agradable posible, e para iso somos necesarias tódalas familias. Pedímosvos axuda e colaboración, e se conseguimos traballar todos xuntos, xa temos un bo camiño andado.
Esperamos que o próximo curso académico poida comezar de outro xeito, poder así convocar unha Asemblea presencial, e continuar traballando para mellorar o noso entorno educativo. Mentres tanto, a través da páxina web e Facebook iremos transmitindo todas ás accións que se vaian realizando, e da mesma maneira estamos a vosa disposición.
InspiraTICs ofrécenos un encontro virtual moi enriquecedor tanto para mestres/as coma para familias, na súa Edición 2021.
Falaranos sobre cómo iniciar a transición activa cara á autonomía dos alumnos na aula a través de cuestións como: a autorregulación da aprendizaxe e a súa transición cara á aprendizaxe baseada en proxectos e cómo a falta diso influíu no aumento da brecha curricular durante a pandemia ; a avaliación formativa e o seu papel esencial para a implicación do alumnado no proceso de ensino e aprendizaxe; ou o desenvolvemento de competenciasnas aulas, exemplificado polas experiencias do Grupo de Actitudes e o seu Proxecto INCOBA, no que os contidos deixan de ter o papel preponderante para deixar paso ás competencias como eixo vertebrador do proceso de aprendizaxe.
Ao longo do encontro tamén teremos a oportunidade de escoitar testemuñas de profesores/as, alumnos/as e familias que nos contarán as súas experiencias con iniciativas que promoven a autorregulación progresiva e a adquisición de autonomía no proceso de ensino e aprendizaxe nas súas aulas. Responderán a preguntas como: qué pensan os nenos/as desta nova forma de traballar? Cómo o aceptan eles e as súas familias? Cáles son as posibles reticencias a este respecto? Qué supuxo a implantación da autorregulación en todo un centro educativo?
Todo isto e moito máis compartirano con quen se inscriba o 27 de febreiro a partir das 17:30 horas (CET) no seguinte ligazón:
A comisión de familias da Asociación Pedagóxica Mudareconvídanos a participar nesta actividade formativa e informativa, que consideramos tan interesante como necesaria e que irá da man de Silvia López Gómez, doutora en educación e especialista en videoxogos e tecnoloxía educativa. A charla terá lugar o venres 26/02/21 ás 17:30 por vía telemática.
Deixámosvos o cartaz da actividade e a ligazón para inscrivirvos. Non a deixedes pasar!
Convócase asamblea para o vindeiro mércores 10 de febreiro ás 21:30. Ésta realizarase por videoconferencia na plataforma webex a través da seguinte ligazón:
Por favor, pedimos puntualidade para non demorar a reunión ata altas horas. A ligazón estará aberta media hora antes (ás 21:00 horas) para que todxs poidan estar preparadxs (co micrófono silenciado) para comezar ás 21:30 horas en punto.
Agradeceríamos a máxima participación para que realmente a ANPA sexa unha representación da vosa voz.
A comisión das familias da Asociación Pedagóxica Mudare está a organizar una charla sobre este tema. Coma ANPA, éste é un tema que nos parece moi interesante e que está á orde do día.
Para esta próxima semana (11-15 de xaneiro) precisamos de voluntarios/as para botar a area no areeiro do patio. Necesitamos que os voluntarios traian carretilla, pala e rastrillo.
Aínda que o traballo sexa no exterior, non fai falta dicir que hai que traer a mascarilla e gardar a distancia protocolaria.
Gustaríanos poder empezar mañá pola mañá. Os que poidades, contactade con nós, porfavor.
Como en anos anteriores, dende a ANPA estamos a desenvolver actividades a prol da igualdade. Desta volta propoñemos centrar a atención na comunicación coas nosas fillas e fillos, mais tamén entre as adultas membros da nosa comunidade educativa.
Dende a ANPA queremos ofrecer un espazo de diálogo para propiciar un bo clima na nosa comunidade educativa. Estamos a vivir uns tempos moi tensos cheos de incertidume e medo. Por iso queremos ser totalmente transparentes con todas vos, mantervos informadas e esclarecer tódalas dúbidas que poidamos.
Temos unha representante das familias no Equipo COVID do noso colexio. E por iso vos agradeceríamos que calquera cousiña que querades comunicar ou saber respecto a este tema, vos poñades en contacto con nós directamente. Temos a web, facebook, mail, etc., canles suficientes para manter una boa comuniación.
Queremos esclarecer varios puntos que a varias familias (incluímonos nos mesmas) xerou desconfianza, coma é o feito de enterarse polo xornal ou terceiros, antes que polo propio centro, dos positivos existentes:
O Centro, a día de hoxe, a efectos legais non pode comunicar sobre a existencia de positivos no propio centro (agás aos que lles afecte directamente) a non ser que a persoa en cuestión así o autorice, xa que estaríase a violar a lei de protección de datos, que non só fai referencia a os nomes e apelidos, senon porque vulnérase a privacidade dos motivos da falta tanto do alumno/a como do mestre/a. Éste é un centro público e así esíxeo a Xunta. O propio centro está intentando facer cambios ao respecto, mostrando por escrito a súa disconformidade ás administracións pertinentes. Polo que vos pedimos un pouquiño de paciencia xa que é unha situación tensa para todas e todos.
Se queredes estar ao día da cantidade de positivos que hai, estade atentos ao xornal porque sábeno antes que o propio centro (pasou xa en dúas ocasións no que se refire ao CEIP Viñagrande). Obteñen esta información directamente da Consellería de Sanidade (cousa que non entendemos pero é así).
Queremos que no máximo do posible manteñades a calma (sabemos que é moito pedir, pero podemos facelo polas nosas/os fillas/os para procurar propiciarlles dentro do posible unha estabilidade emocional que agora mesmo é moi importante). Dende o centro se están a cumplir con tódolos protocolos sanitarios que lles esixe a Xunta para que o espazo sexa o máis seguro posible para toda a comunidade educativa. Dende a ANPA xa estamos estudiando novas propostas para que durante o inverno, as aulas non necesiten ter as fiestras abertas mentres os alumnos/as estean dentro.
Vos adxuntamos varias ligazóns informativas do voso interese:
Por favor, se tendes dúbidas despóis de leer toda esta información, se queredes expresar a vosa opinión ou propoñer outras opcións ou puntos de vista, poñédevos en contacto con nós e nós achegaremos a información ao centro.
Creemos na comunicación sempre desde o respeto e a educación por parte de todos e cada un dos membros da comunidade educativa para xerar un clima o máis positivo posible para as nosas fillas/os. Moito ánimo e saúde para todos!
Dende a ANPA queremos botar unha man ao noso colexio para que os/as nosos/as rapaces/zas poidan gozar dun recreo máis dinámico. Temos unha lista de xogos e xoguetes que pódense crear e construir, polo que facemos un chamamento para tódalas familias que forman parte deste centro.
