Publicado en

Asóciate á ANPA curso 2020-2021!

Se queres asociarte á nosa ANPA, apoiar o noso traballo, facer do noso cole o mellor lugar posible para as nosas fillas e fillos, e alén diso disfrutar de beneficios e descontos no comercio vilanovés, faino antes do 30.10!
Despois diso poderás asociarte, pero xa non recibirás o carnet especial de familia asociada que che proporcionará descontos nunha longa lista de negocios do concello.

Non esperes demasiado, ASÓCIATE!

Ingresa a cuota anual de 15€/familia na seguinte conta e pon o nome do/a neno/a e curso no asunto

 
ES83 2080 5070 7730 4000 7066
 
Despois cubre o formulario e envía o resgardo do pagamento…
… e listo!

    Información básica sobre protección de datos Ver más

    • Responsable: ANPA Ceip Viñagrande Deiro.
    • Finalidad:  Responder las consultas.
    • Legitimación:  Por consentimiento del interesado.
    • Destinatarios y encargados de tratamiento:  No se ceden o comunican datos a terceros para prestar este servicio. El Titular ha contratado los servicios de alojamiento web a Professional Hosting que actúa como encargado de tratamiento.
    • Derechos: Acceder, rectificar y suprimir los datos.
    • Información Adicional: Puede consultar la información detallada en la Política de Privacidad.
    Publicado en

    REUNIÓN ANPA DE INICIO DO CURSO 20-21

              Anunciámosvos que debido a actual situación da COVID-19, de momento non nos deixan facer ninguna reunión presencial. Dende a directiva da ANPA estámonos a plantexar facela virtual, pero para iso gustaríanos saber cánta xente estaría disposta a participar nunha reunión desta índole. A quen lle interese porfavor que nos deixe un comentario coa a súa opinión ao respecto.

              Para tódalas familias, sabede que podedes facervos socias ingresando a cuota anual de 15€/familia, poñendo o nome do/a neno/a e curso, na seguinte conta:

         ES83 2080 5070 7730 4000 7066

              ¿Para qué facernos socias se con toda esta situación a ANPA non va a organizar actividades extraescolares?

    – Estamos xestionando co comercio local de Vilanova de Arousa para conseguir algúns beneficios para os socios.

    – Coa vosa aportación estaredes apoiando a educación dos voso fillos, xa que a ANPA está moi implicada activamente e económicamente en proxectos que pensamos beneficiosos para todo o alumnado do CEIP Viñagrande-Deiro (Proxecto de Igualdade, Proxecto do Invernadoiro cunha horta ecolóxica, Proxecto do Patio, etc.). Podedes atopar máis información do que facemos navengando na nosa web.

    – Facerse socio/a significa ter unha representación da vosa voz no centro escolar dos vosos/as fillos/as, significa forza para que o proxecto educativo que queremos salga adiante a pesar da adversidade, significa comunidade e unión.

                       ¿Nos apoias?

    Publicado en

    FOLGA DO XOVES 10 DE SETEMBRO

    Os sindicatos convocan folga na ensinanza en Galicia o 10 (para Primaria) e 16 (para Secundaria) de setembro como protesta á resposta da Consellería da Educación fronte a situación que se presenta ca COVID-19, co apoio das dous Confederacións de anpas galegas: Confapa e Anpas Galegas.

    Dende a nosa ANPA propoñemos apoiar esta folga non levando os/as nosos/as fillos/as ao colexio o xoves 10 de setembro.

     

    Publicado en

    DECLARACIÓN RESPONSABLE DAS FAMILIAS

    No seguinte ligazón poderedes atopar os documentos necesarios para entregar o primeiro día de colexio dos/das vosos/as fillos/as.

    https://www.edu.xunta.gal/centros/ceipdevinhagrande/?q=node/1067

    Nel tedes a Declaración responsable das familias que hai que cubrir e entregar asinado. Se coma moitas de nós non estás de acordo co que se expón neste documento, as confederacións de anpas, federacións e familias poñen a dispor como alternativa este outro. Podes decargalo pinchando aquí.

    Publicado en

    Presentación do proxecto de crowdfunding en BioCultura 2020

    Os días 28, 29, e 1 de marzo celebrarase na cidade da Coruña a feira de produtos ecolóxicos e consumo responsábel BioCultura 2020, na súa segunda edición nesta localidade.

    Nela, o 29/02/2020 ás 10:30 unha representante da directiva da ANPA do CEIP Viñagrande de Deiro terá a oportunidade de presentar o proxecto de recadación para o invernadoiro escolar, como exemplo de práctica asociativa de captación de fondos da man da Fundación Triodos.

    Continuar lendo “Presentación do proxecto de crowdfunding en BioCultura 2020”

    Publicado en

    Rexeitamento ante a LGTBIQ+fobia

    A ANPA do CEIP Viñagrande de Deiro súmase ao rexeitamento ante a propaganda LGTBIQ+fóbica que o colectivo Hazte Oir está a facer chegar aos centros educativos, e sumámonos así á protesta liderada pola Rede Educativa de Apoio LGTB de Galicia.
    Queremos fillas e fillos libres nun mundo libre – que sexan felices e fagan felices a outras persoas lonxe de odios retrógrados que atentan contra os dereitos das persoas.

    Rexeitamos polo tanto como ANPA e como comunidade educativa as manifestacións de odio por razóns de orientación sexual ou por calquera outra razón e apoiaremos calquera iniciativa destinada a utilizar todas as ferramentas legais dispoñibles para prohibilas e erradicalas da nosa sociedade.

    Querémonos libres, queremos un mundo libre de agresións machistas e LGTBIQ+fóbicas