Festas ENTROIDO 2024

O pasado venres 16 de febreiro celebramos a nosa Festa de ENTROIDO, onde grandes e pequenos pasámolo xenial!!
Da man de Javi Solla bailamos, cantamos, xogamos… Grazas por unha animación tan divertida e grazas a todas as familias asistentes por estar tan animadas!!
No medio de tanta festa fixemos unha pequena parada para merendar e sortear a nosa Cesta de Entroido, que tocou no n° 1059 e que pasou a recoller a agraciada un pouquiño despois.
Tamén sorteamos entre todas as familias socias da Anpa uns agasallos ben chulos, sendo as afortunadas:- nº socia 18: un libro.- 40: unha mini cesta con lacón, grelos e chourizo.- 49: vale de 30 € para gastar en Panadería A Praza.- 66: viaxe para 2 adultos e un menor pola rura do mexillón.- 74: un libro.- 79: un libro. Noraboa a todas!


Queremos dar as GRAZAS a todos os colaboradores: Frutas Miguel Lago, Supernito, Montiño e Kolding. Panadería A Praza, Librería Nobel Vilanova (todos comercio de proximidade), Moelsa, Arco da Vella Apartamentos, Escuela Náutica Marevento, Sogaltec, Naviera Bahía Sub e Dzero Dixital.
Tamén ao Concello De Vilanova de Arousa pola sua colaboración coa animación.
E por suposto, agradecer a todas as familias a vosa axuda, implicación e esforzo.

Ludoteca de Nadal

Co fin de facilitar unha conciliación familiar e laboral, o conxunto de Anpas de Vilanova ven de acordar co Concello unha colaboración para levar a cabo unha Ludoteca de Nadal nos distintos coles.

Dita ludoteca levarase a cabo por parte da Animación Sociocultural Nydia entre o 22/12/23 e o 05/01/24, ambos inclusive, na Casa da Cultura de San Miguel de Deiro.

No caso das crianzas do CEIP Viñagrande, o custe para todo o período será de 35€ soci@s e 45€ non soci@s.

Se estades interesad@s en participar, poderedes anortarvos ata o vindeiro venres 15 de decembro, poñéndovos en contacto coa Anpa no ☎️ 644 03 66 49 ou no e-mail proxectos@anpaceipvinhagrandedeiro.org

De non chegar ó mínimo de 10 nen@s establecido para levar a cabo a ludoteca, daránselle opcións ás familias anotadas para que poidan conciliar indo á ludoteca de outro colexio cercano.

Para máis s información escríbenos un email ou chámanos ao 644 03 66 49.

Un saúdo,

ANPA A Prixela do CEIP Viñagrande-Deiro.

CREACIÓN DUN CONTO ILUSTRADO para a IGUALDADE

Neste curso tamén se levarán a cabo actividades aprol da Educación en Igualdade para o alumnado, promovidas pola ANPA e financiadas pola Secretaría Xeral de Igualdade.

A próxima semana, a partir do luns 27 de novembro, a ilustradora Susana Suniaga achegará ó alumnado de tódolos cursos de primaria a valores como a igualdade, a convivencia, a diversidade ou o respecto; a través da creación dun conto ilustrado, que terá como fío condutor unha idea ou unha vivencia relacionada coa igualdade de xénero.

Se queredes coñecer os traballos de ilustración de Susana, podedes visitar: https://www.instagram.com/susansuniaga/?hl=es

As actividades están financiadas polas axudas dirixidas ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero, Secretaría Xeral da Igualdade. Operación cofinanciada con Fondos finalistas do Pacto de Estado contra a violencia de xénero.

Taller COMUNICACIÓN NON VIOLENTA

Seguindo o gran interese que este tema xenera, a ANPA organiza un taller de COMUNICACIÓN NON VIOLENTA, financiado pola Secretaría Xeral de Igualdade da Xunta de Galicia. Convidamos a toda a comunidade educativa: docentes e familias (nais, pais, avós/as, etc) ó seguinte taller:

  • “COMUNICACIÓN NON VIOLENTA _ Nivel Iniciación”.
  • Sábado 25 novembro de 10:00 a 14:00 e de 16:00 a 19:30 hrs
  • Lugar: no CEIP Viñagrande (Deiro)
  • Impartido por Carmen Sarmiento, formadora certificada da Asociación CNV www.asociacioncomunicacionnoviolenta.org
  • A través da práctica da CNV, podemos aprender a aclarar o que estamos observando, que emocións estamos sentindo, que valores queremos vivir e transmitir, como facer peticións, practicar a escoita empática e a expresión e comunicación honesta.

Hai prazas limitadas, e se non se cubre un mínimo de prazas, o taller non se levará a cabo, polo tanto pedimos que os inscribades antes do venres 17, a través do móvil da ANPA 644.03.66.49 ou ó noso email proxectos@anpaceipvinhagrandedeiro.org.

As actividades están financiadas polas axudas dirixidas ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero, Secretaría Xeral da Igualdade. Operación cofinanciada con Fondos finalistas do Pacto de Estado contra a violencia de xénero.

CELEBRAMOS O SAMAÍN NO CEIP VIÑAGRANDE!

O martes 31 outubro: pola mañán haberá actividades organizadas polo centro.

Pola tarde segue a celebración con actividades organizadas pola ANPA: brebaxes, tatuaxes dos druidas celtas, música, baile, contacontos do Samaín,

A partir das 18:30 faremos un roteiro polo monte coas cabazas feitas polos neno/as, e queimada apta para todos os públicos.

As familias poderán colaborar levando algún doce típico destas datas.

Vámolo pasar de medo!!

“Coeducación emocional para as boas vidas: os coidados no centro do sistema”.

Este curso, como en anos anteriores, a ANPA continua con interesantes actividades a prol da EDUCACIÓN EN IGUALDADE, financiadas pola Secretaría Xeral de Igualdade da Xunta de Galicia.

Convidamos a toda a comunidade educativa: docentes e familias (nais, pais, avós/as, etc) ó seguinte taller formativo:

  • “Coeducación emocional para as boas vidas: os coidados no centro do sistema”.
  • Sábado 4 novembro de 10:00 a 14:30 e de 16:00 a 18:30 hrs
  • Lugar: no CEIP Viñagrande (Deiro)
  • Impartido por Sara Vierna de ALMAS MERAKI, https://almasmeraki.es/almas-meraki/
  • Contido: este taller abordará temas como as relacións nos espazos educativos, a expresión do malestar emocional, o acompañamento desde o sistema educativo e as familias. A formación facilitarase desde unha perspectiva feminista e desde o acompañamento emocional, recurrindo a metodoloxías e enfoques como a Comunicación Non Violenta, a Neurobioloxía Interpersoal, o Mindfulness e o Coaching educativo.

Hai prazas limitadas, polo tanto invitámosvos a inscribiros a través do móvil da ANPA 644.03.66.49 ou ó noso email proxectos@anpaceipvinhagrandedeiro.org

As actividades están financiadas polas axudas dirixidas ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero, Secretaría Xeral da Igualdade. Operación cofinanciada con Fondos finalistas do Pacto de Estado contra a violencia de xénero.

Convocatoria Asamblea Xeral da ANPA

Coma todos os cursos convocase a Asamblea xeral da ANPA A Prixela do CEIP Viñagrande, Día o sábado 23 de septembro 2023

Lugar: aula de música do CEIP Viñagrande

Hora: as 11 hrs en primeira e 11:30 en segunda convocatoria

A orde do día que se indica no seguinte documento axunto

É importante que acudan o maior número de familias posible, para que todo/as aportemos ás actividades que se levan a cabo dende a ANPA, para o beneficio das nosas crianzas e de toda a comunidade educativa, incluindo a toma de decisións nesta Asamblea Xeral.

Para calquer consulta ou aclaración, poñedevos en contacto ca directiva no móvil 644 03 66 49.

Xogoteca de verán no CEIP Viñagrande

O verán pasado foi un éxito a xogoteca de verán no CEIP Viñagrande, así que este ano repetimos, para axudar as familias na conciliación e que as crianzas disfruten de xogos e aprendizaxe nun entorno coñecido, amigable e seguro.

Máis información sobre as actividades a realizar consulta este dossier de A.S. Nydia, que levará a cabo a xogoteca.

XOGOTECA-colegios_anexo

Acampada en familia

Este curso a ANPA propón a seguinte excursión de fin de curso: Acampada en familia.

Datas: fin de semán 10 e 11 xuño.

Lugar: Camping Ría de Arosa 1, Pobra do Caramiñal (posibilidade de acampar en tenda ou bungalows)

Máis info no seguinte cartel e enviando whatsapp ó 644 036 649.

Prazo inscripción ata ó 30 maio.

Animádevos a compartir todas as familias xuntas este fin de semana de diversión e amizade!

FESTA de ENTROIDO: Venres 17 as 17:00 hrs.

Vamos a celebrar o ENTROIDO como ben se merece! Acompáñanos co teu disfraz e moitas ganas de pásalo ben! Contaremos con música e animación!!

O/as rapaces/as de 6º ofrecerán postres e bebidas para axudar ó viaxe de fin de curso.

Sortearase unha magnífica cesta de entroido, con productos típicos do momento e dúas viaxes as Illas Cíes e Ons, grazas a colaboración de: Naviera Nabia, Frutas Miguel Lago, Moelsa Enerxías, Escuela Naútica Marevento, Instalaciones eléctricas Miguel Sineiro, Sogaltec Enerxía Solar, Montiño, SuperNito e Dzerc Dixital Imprenta. Moítismas grazas en nome dos neno/as de 6º curso e noso!

ANPA A Prixela, do CEIP Viñagrande de Deiro.