Nos próximos días Agasex , Asociación Galega para a saúde sexual, levará a cabo uns obradoiros con cada un dos grupos de alumno/as de primaria sobre ó auto-coñecemento, a diversidade, a igualdade, a afectividade e a saúde sexual, impulsados pola ANPA e en colaboración co centro escolar, para deste xeito contribuír coa labor educativa das propias familias e do equipo docente.
Aínda que hoxe en día a rapazada posúe moitísima información ao seu alcance, moitas veces esta pode resultar confusa ou non recibirse dun xeito adecuado. Con frecuencia os rapaces e as rapazas medran adoptando unha visión da sexualidade coma un tema tabú, adoptando mitos, asumindo estereotipos e roles (como o do papel da muller), que se ven reforzados mediante os medios de comunicación e publicidade. Do mesmo xeito, é frecuente que entre a rapazada existan moitas dúbidas sobre os seus corpos, así coma dos cambios corporais que teñen ou terán lugar durante a puberdade e adolescencia, do proceso reprodutivo e da sexualidade.
Entendendo que a sexualidade abrangue non só o eido erótico, senón que é indisociable do compoñente afectivo e relacional; por este motivo traballamos as emocións, os sentimentos, as sensacións e as habilidades sociais e comunicativas, que son fundamentais para unha boa abordaxe da educación sexual.
Nestes obradoiros empregáranse exposicións teóricas acompañadas por diversos materiais audiovisuais, realízanse diversas actividades que favorezan a implicación do alumnado, a adquisición de coñecementos, e o intercambio de dúbidas e información.
CONTIDOS
Os contidos fundamentais que se abordaran, de forma específica e axeitada segundo cada nivel (idade) de cada curso:
– Os corpos: a diversidade de corpos, as cuestións fisiolóxicas, anatómicas e funcionais e os cambios corporais na puberdade.
– As presións diferenciais de xénero en relación á corporalidade
– Nocións básicas sobre a reprodución
– A hixiene corporal
– Xénero e Sexo: roles e estereotipos de xénero, diferencias e desigualdades.
– Identidades sexuais e orientacións sexuais
– A expresión dos afectos
– O autoconcepto, a autoimaxe e a autoestima
– Sexismo
– Violencia de xénero: que é e como identificala.
– Habilidades sociais e de xestión emocional.
OBXECTIVOS
O obxectivo principal destes obradoiros é favorecer un clima de confianza e de traballo en equipo que faga posible a análise da información e suscite o interese e a reflexión sobre a afectividade e a saúde sexual e reprodutiva, para favorecer en último termo a consecución dun estado de benestar físico, psicolóxico, social e sexual do alumnado.
Algúns dos obxectivos específicos son:
– Proporcionar información sobre os múltiples aspectos relacionados coa afectividade e a sexualidade.
– Motivar o rexeitamento a todo tipo de discriminación, marxinación e desigualdades.
– Cuestionar determinadas actitudes sexuais e afectivas (como poden ser as homófobas ou sexistas), potenciando a tolerancia e o respecto como base para unhas relacións positivas entre as persoas.
– Favorecer o coñecemento da propia sexualidade.
– Promover unha correcta expresión afectiva.
– Revisar e cuestionar mitos e conceptos falsos relacionados coa sexualidade.
– Previr os abusos sexuais infantís.
– Promover un autoconcepto corporal positivo e unha autoestima corporal alta.
– Favorecer a identificación das presións sociais para o axuste a un modelo de corporalidade irreal.
– Facilitar a comprensión da diversidade corporal como unha riqueza.
– Promover actitudes de respecto e empatía cara outras persoas con corporalidades que a sociedade considera como indesexables.
– Favorecer a adopción de conductas de coidado cara o propio corpo.
– Promover unha correcta expresión afectiva.
– Fomentar a adopción de actitudes e conductas respectuosas cara os demais e cara un/ha mesmo/a.
– Desenvolver habilidades sociais e comunicativas.
Convócase a todas as familias socias da ANPA “A PREXELA” DO CEIP VIÑAGRANDE-DEIRO a Asemblea Xeral Ordinaria a celebrar no patio do Colexio, o vindeiro sábado día 6 de novembro do 2021 as 11:00 horas en primeira convocatoria e 11:15 horas en segunda convocatoria. Orde do día como sigue:
Publicamos as ACTIVIDADES EXTRAESCOLARES que comezarán neste mes de OUTUBRO:
• ZUMBA, luns 17:30-18:30. Local “Amigos da música”. Primeiro día luns 4 de outubro.
• PATINAXE, mércores 16:00-17:30. Local Pavillón de San Miguel. Primeiro día mércores 6 de outubro.
• XIMNASIA RÍTMICA, venres 16:00-17:00. Local “Amigos da música”. Primeiro día venres 8 de outubro.
Nestas actividades, promovidas pola ANPA, nós lle comunicamos os monitores o listado de nen@s anotados, os nen@s só teñen que asistir o primeiro día indicado. Máis info: 644 03 66 49, noso Facebook ou email: info@anpaceipvinhagrandedeiro.org
NON se levarán a cabo, como grupo do Colexio Viñagrande, as seguintes actividades por non chegar ó número mínimo de participantes. Podedes contactar cos monitores para anotarse noutros grupos que eles levan a cabo:
Recordamos que para inscribirse as seguintes actividades debedes as familias CONTACTAR DIRECTAMENTE ca ENTIDADE ou MONITOR/A, como indicado inicialmente na folla de actividades extraescolares:
Enmarcado no programa “Camiñando cara a igualdade 2020” vaise levar a cabo o curso de introdución á Comunicación non violenta para docentes e familias, impartido por Carmen Sarmiento, formadora certificada polo CNVC. Terá lugar o sábado 22 de maio na casa da cultura de San Miguel, de 10:00 a 14:00 e de 16:00 a 20:00.
Prazas limitadas! Inscríbete no seguinte formulario
A Comunicación non violenta é un proceso de comunicación creado por Marshall Rosenberg. A súa base é o traballo de empatía profunda como competencia esencial para a vida e a cultura da Paz, para a transformación das emocións e o empoderamento persoal e grupal. Fainos partícipes dunha comunicación que busca atopar valores máis profundos e un diálogo creativo e transformador con unha mesma e coas demáis.
O seu obxectivo é coidar todas as relacións, baseadas no respeto, a empatía, a comprensión e a cooperación. Previr a violencia e a ruptura de diálogo, cos que nos rodean e con unha mesma, coidando manter o vínculo entre as persoas.
No noso contexto a CNV pode aportarnos recursos persoais útiles na mellora da comunicación e as relacións colaborativas, no desenvolvemento de capacidades cara as dificultades que xurden acotío na vida escolar e na prevención e resolución de conflitos.
Comezamos a traballar cara o uso e desfrute do invernadoiro que está a piques de ser armado no cole e convídannos a 3 ou 4 familias a participar nunha formación impartida pola DEPO:
Obradoiro práctico: Plantación dun bancal.
Data prevista: 12 de maio pola tarde, pendente de confirmación.
Participarán un máximo de 7 persoas: docentes e familias.
Agardamos que esta sexa a primeira xornada de moitas. Se tedes interese en participar, inscribídevos mandando un correo a proxectos@anpaceipvinhagrandedeiro.org.
A inscripción faráse por rigoroso orde de chegada das solicitudes.
E mirade! Xa non falta nada! Próximamente xuntos no patio!
A comisión de familias da Asociación Pedagóxica Mudareconvídanos a participar nesta actividade formativa e informativa, que consideramos tan interesante como necesaria e que irá da man de Antonio Rial Boubeta, doutor en psicoloxía social e profesor da USC. A charla terá lugar o venres 16/04/21 ás 17:30 por vía telemática.
Deixámosvos o cartaz da actividade e a ligazón para inscrivirvos. Non a deixedes pasar!
Xa están na biblioteca do cole os libros sobre educación afectivo-sexual e comunicación non violenta. Ademais da incorporación deste material, no marco do proxecto de igualdade deste curso, promovido pola ANPA, leváronse a cabo as actividades de educación afectivo-sexual para o alumnado, a charla para familias “Falas de sexualidade coas túas fillas e fillos?”e a charla de introdución á Comunicación Non Violenta, para familias e profesorado. Próximamente avisaremos para inscribirse no Curso de Introdución á CNV.
