Obradoiros “DIVERSAS, DIVERSOS, PERO IGUAIS” impartido por Agasex

Nos próximos días Agasex , Asociación Galega para a saúde sexual, levará a cabo uns obradoiros con cada un dos grupos de alumno/as de primaria sobre ó auto-coñecemento, a diversidade, a igualdade, a afectividade e a saúde sexual, impulsados pola ANPA e en colaboración co centro escolar, para deste xeito contribuír coa labor educativa das propias familias e do equipo docente.

Aínda que hoxe en día a rapazada posúe moitísima información ao seu alcance, moitas veces esta pode resultar confusa ou non recibirse dun xeito adecuado. Con frecuencia os rapaces e as rapazas medran adoptando unha visión da sexualidade coma un tema tabú, adoptando mitos, asumindo estereotipos e roles (como o do papel da muller), que se ven reforzados mediante os medios de comunicación e publicidade. Do mesmo xeito, é frecuente que entre a rapazada existan moitas dúbidas sobre os seus corpos, así coma dos cambios corporais que teñen ou terán lugar durante a puberdade e adolescencia, do proceso reprodutivo e da sexualidade.

Entendendo que a sexualidade abrangue non só o eido erótico, senón que é indisociable do compoñente afectivo e relacional; por este motivo traballamos as emocións, os sentimentos, as sensacións e as habilidades sociais e comunicativas, que son fundamentais para unha boa abordaxe da educación sexual.

Nestes obradoiros empregáranse exposicións teóricas acompañadas por diversos materiais audiovisuais, realízanse diversas actividades que favorezan a implicación do alumnado, a adquisición de coñecementos, e o intercambio de dúbidas e información.

CONTIDOS

Os contidos fundamentais que se abordaran, de forma específica e axeitada segundo cada nivel (idade) de cada curso:

– Os corpos: a diversidade de corpos, as cuestións fisiolóxicas, anatómicas e funcionais e os cambios corporais na puberdade.

– As presións diferenciais de xénero en relación á corporalidade

– Nocións básicas sobre a reprodución

– A hixiene corporal

– Xénero e Sexo: roles e estereotipos de xénero, diferencias e desigualdades.

– Identidades sexuais e orientacións sexuais

– A expresión dos afectos

– O autoconcepto, a autoimaxe e a autoestima

– Sexismo

– Violencia de xénero: que é e como identificala.

– Habilidades sociais e de xestión emocional.

OBXECTIVOS

O obxectivo principal destes obradoiros é favorecer un clima de confianza e de traballo en equipo que faga posible a análise da información e suscite o interese e a reflexión sobre a afectividade e a saúde sexual e reprodutiva, para favorecer en último termo a consecución dun estado de benestar físico, psicolóxico, social e sexual do alumnado.

Algúns dos obxectivos específicos son:

– Proporcionar información sobre os múltiples aspectos relacionados coa afectividade e a sexualidade.

– Motivar o rexeitamento a todo tipo de discriminación, marxinación e desigualdades.

– Cuestionar determinadas actitudes sexuais e afectivas (como poden ser as homófobas ou sexistas), potenciando a tolerancia e o respecto como base para unhas relacións positivas entre as persoas.

– Favorecer o coñecemento da propia sexualidade.

– Promover unha correcta expresión afectiva.

– Revisar e cuestionar mitos e conceptos falsos relacionados coa sexualidade.

– Previr os abusos sexuais infantís.

– Promover un autoconcepto corporal positivo e unha autoestima corporal alta.

– Favorecer a identificación das presións sociais para o axuste a un modelo de corporalidade irreal.

– Facilitar a comprensión da diversidade corporal como unha riqueza.

– Promover actitudes de respecto e empatía cara outras persoas con corporalidades que a sociedade considera como indesexables.

– Favorecer a adopción de conductas de coidado cara o propio corpo.

– Promover unha correcta expresión afectiva.

– Fomentar a adopción de actitudes e conductas respectuosas cara os demais e cara un/ha mesmo/a.

– Desenvolver habilidades sociais e comunicativas.

COMUNICACIÓN NON VIOLENTA

Como en anos anteriores, dende a ANPA estamos a desenvolver actividades a prol da igualdade. Desta volta propoñemos centrar a atención na comunicación coas nosas fillas e fillos, mais tamén entre as adultas membros da nosa comunidade educativa.

Carta Non Violenta

Animádevos a participar!

“FALAS DE SEXUALIDADE COAS TUAS FILLAS E FILLOS?”

Dende a Comisión de Igualdade da ANPA propoñemos obradoiros para alumnado e familias coa fin de continuar o camiño cara este dereito. Nesta ocasión, a asociación AGASEX realizará ao longo do primeiro e segundo trimestre actividades co alumnado do centro e tamén coas familias.

A apendizaxe sobre a sexualidade é dinámica e dase ao longo de toda a vida, xa dende o momento en que nacemos. Queiramos ou non, estamos aprendendo e reaprendendo sobre sexualidade en múltiples situacións e escenarios da nosa vida, de xeito intencional ou non, de cativos, de adolescentes, na adultez e na vellez; isto significa que todas as persoas temos un papel na aprendizaxe sexual das demáis persoas.
As familias, xunto co persoal educativo, as amizades e os mass media
cumpren un papel primordial na aprendizaxe dos individuos. Nas etapas máis temperás son precisamente as familias quenes teñen un papel máis importante no tocante aos aprendizaxes relacionados coa sexualidade, é por iso que a sua implicación activa na educación afectivo sexual das e dos máis cativos resulta primordial para un desenvolvemento sexual saudable xa dende os primeiros anos de vida.

Dito isto, propoñemos que vos apuntedes ao obradoiro telemático “Falas de sexualidade coas túas fillas e fillos?” dirixido ás familias.

Para as familias de Primaria o taller será o luns 2 de novembro as 18:00. Falarase dos cambios corporais; diversidade sexual; menstruación; acceso a contidos de carácter sexual; actitudes hacia a sexualidade; afectividade e modelos de relacións; e expresión de xénero.

Para as familias de Infantil o taller será o luns 9 de novembro as 18:00. Falarase sobre o apego e afectividade; conductas masturbatorias; diversidade sexual; e actitudes hacia a sexualidade.

AGASEX facilítanos os seguintes formularios de preinscripción:

– Familias EP: https://forms.gle/aXZp6CoVMpUsioW88

– Familias EI: https://forms.gle/eFcaxAwzqyWV1ewK9

A formación realizarase a través de Google Meet. O venres pola tarde (sobre as 17:45) recibiredes un correo co enlace que vos proporcionará o acceso ao taller (por favor, entrade coa cámara apagada).

 

 

Rexeitamento ante a LGTBIQ+fobia

A ANPA do CEIP Viñagrande de Deiro súmase ao rexeitamento ante a propaganda LGTBIQ+fóbica que o colectivo Hazte Oir está a facer chegar aos centros educativos, e sumámonos así á protesta liderada pola Rede Educativa de Apoio LGTB de Galicia.
Queremos fillas e fillos libres nun mundo libre – que sexan felices e fagan felices a outras persoas lonxe de odios retrógrados que atentan contra os dereitos das persoas.

Rexeitamos polo tanto como ANPA e como comunidade educativa as manifestacións de odio por razóns de orientación sexual ou por calquera outra razón e apoiaremos calquera iniciativa destinada a utilizar todas as ferramentas legais dispoñibles para prohibilas e erradicalas da nosa sociedade.

Querémonos libres, queremos un mundo libre de agresións machistas e LGTBIQ+fóbicas

PONENCIA ERICK PESCADOR

O vindeiro mércores 23 de outubro as 16:30 no Auditorio Valle-Inclán (Vilanova de Arousa), teremos a suerte de poder escoitar en directo a Erick Pescador Albiach. Sociólogo e sexólogo (1995). Especialista en xénero, masculinadades e prevención de violencia.

Fixo ponencias, talleres e grupos de homes en España, Cuba, México, Puerto Rico, Chile, Perú, Uruguay, Brasil e Colombia, traballando co profesorado, forzas da orde, persoal sanitario, axentes sociais, asociacións de mulleres, etc. dende 1994.

Na súa web http://www.masculinidades.com/ poderedes encontrar máis información.

ENTRADA LIBRE E ABERTA A TODO O MUNDO!

Organizado pola ANPA CEIP Viñagrande-Deiro.

logos: Ministerio de la Presidencia, Relaciones con las Cortes e Igualdad e Vicepresicencia e Consellería de Presidencia, Administracións Públicas e Xustiza, Secretaría Xeral de Igualdade

ALICE GUY NO COLE!

A golpe de luns podemos dicir coa boca ben grande que gozamos dunha fantástica comunidade educativa! 😍

Resultado da colaboración ANPA co cole, o pasado venres disfrutaron infinito as peques do Ceip DE Viñagrande Deiro con Alice Guy (a muller que creou o cine) da man de Raquel Queizás 🤩🤩🤩


Seguiremos traballando para que isto se manteña 😊😊

logos: Ministerio de la Presidencia, Relaciones con las Cortes e Igualdad e Vicepresicencia e Consellería de Presidencia, Administracións Públicas e Xustiza, Secretaría Xeral de Igualdade

Subvención de formación en igualdade

A Secretaría Xeral de Igualdade ven de comunicarnos a concesión dunha subvención de €4000 para formación en cuestións de igualdade e xénero.

A Anpa CEIP Viñagrande Deiro presentouse no mes de xuño a esta convocatoria cun ambicioso proxecto que recolle agora os resultados e cuxos froitos poderán ser disfrutados por toda a comunidade educativa ao longo de todo este curso académico, especialmente no primeiro trimestre do curso.

https://www.xunta.gal/dog/Publicados/2019/20191016/AnuncioG0244-081019-0005_gl.html

logos: Ministerio de la Presidencia, Relaciones con las Cortes e Igualdad e Vicepresicencia e Consellería de Presidencia, Administracións Públicas e Xustiza, Secretaría Xeral de Igualdade