Rematou o Samaín e xa estamos metidas na seguinte festa e na seguinte acción de recadación da ANPA. Como vos comentamos na Asemblea Xeral do 28.09, este ano faremos de novo o tradicional sorteo de Nadal, no que esperamos repartir moitos lotes que leven alegría a moitas familias e recadar moitos fondos para seguir a mellorar o noso cole.
Para iso precisamos que todas as persoas asociadas colaboren. Os lotes e as cestas fanse con donativos de comercios locais, pero contactalos a todos é un traballo e un tempo que case nos vai quedando xusto. Por iso:
– se tes un negocio e gustaríache donar algún produto do teu negocio para un lotiño (total ou parcial), ou
– se tes un negocio de confianza (supermercado, tenda de alimentación de calquera tipo, conserveira…) no que non che importe preguntar
– se tes calquera cousa que queiras donar tamén a nivel privado…
DONA e anima a DONAR!
Todas as achegas son benvidas! Contáctanos no noso correo-e (anpaprexela(arroba)hotmail.com) ou na porta da escola!